Début de la dernière phase des travaux du stade François-Coty
(A redazzioni d'Alta Frequenza) - I travaghji di u stadiu François Coty entrini oghji (ghjovi) ind'a so ultima tappa. In fatti, dopu à a stallazioni di u lumi annant'à i tarreni accantu à u stadiu, in naturali è sinteticu, i travaghji i più impurtanti ripighjani dunqua. Oghji, setti Algeco sò stati stallati pà fà crescia i lucali amministrativi. Duranti parechji sittimani, ssi spazii sarani accunciati è u parsunali aiaccinu pudarà stà in ssi scagni pruvisorii. U scopu essendu a rialisazioni di un sicondu pianu annant'à u serviziu amministrativu attuali. Eppo dopu, cuminciarani i travaghji di a tribuna Onori, chì sarà tutta distrutta, eppo custruita torna, pà una capacità di guasgi 4000 piazzi à pusà è cuparti. Ssa tribuna, chì s'assumigliarà à a tribuna JB Poli, sarà dinò liata à una nova tribuna di stampa, à una sala di stampa è à lucali novi pà a furmazioni è i sfarenti servizii di u club. I sustenidori duvarani essa pazienti pà veda compia ssu cantieru, postu chì a fin fi i travaghji hè privista pà u sicondu simestru di l'annu 2015. Tandu l'AC Aiacciu t'avarà un stadiu di 13 500 piazzi à pusà è cuparti, à i normi di a Lega 1, novu, cù spazii VIP, ma dinò un centru d'intrenamentu cumpostu di parechji tarreni cù u lumi è i spugliatoghji. U stadiu cambiarà di nomu tandu è sarà ribattizatu "stadiu Michel Moretti".
Sur le même sujet
