Début de solution pour l'AFPA de Corse
(A redazzioni d'Alta Frequenza) - C'hè statu un principiu di suluzioni oghji (luni) di pettu à l'inchietudini di i parsunali FO è STC di l'AFPA. Quissi quì, duranti una cunfarenza di stampa calchì ghjornu fà aviani fattu ricullà a cunfirmazioni di a calata di i suvvenzioni accurdati da a Cullettività di Corsica à l'urganisimu di furmazioni. D'appressu i sindicati, ssi suvvenzioni sò stati calati di 30% ciò chì hà da fà calà di colpu i bughjetti di furmazioni. A mancanza di finanziamenti s'hè ridutta oghji di manera assai impurtanti dopu à una riunioni trà i raprisintanti sindicali è Paul Giacobbi, postu chì si passa da -2,6 millioni d'auri à -900 000 auri. Un prugressu assai forti ch'ella hà vulsutu metta in evidenza Nadine Nivaggioni, pà l'intersindicali FO-STC.
Steti à senta à Nadine Nivaggioni.
Sur le même sujet
