Déchets abandonnés : la ville d'Ajaccio signe une convention avec Citeo pour améliorer la propreté des espaces publics
Photo : Cità d'Aiacciu
Marti, à a Casa Quadrata d’Aiacciu, hè stata zifrata una cunvinzioni trà Stéphane Sbraggia u merri, è Nicolas Furet, u dirittori di a pirfurmanza 3R di l’eco urganismu Citeo.
L’ughjittivu hè di middurà a pulizia di i spazia publichi è a prutizzioni di l’ambienti di a cità.
Cunvinzioni cumpagna ùn si n’era ancu zifratu in Corsica, è devi metta in anda un pianu di lutta contru à i rumenzuli abandunati.
Privista par trè anni, cù pussibilità di rinuvà la, t’hà un sustegnu di Citeo di 360 000€ à l’annu.
Iss’ingagiamentu hà da permetta di rinfurzà a pulizia di i spazia publichi è naturali, è dunqua a qualità di vita di a pupulazioni.
Issa dimarchja hè missa in pratica in un pian’di lutta chì t’hà par fini di cuntena issa pulluzioni.
Par quissa, i mezi umani è matiriali di a dirizzioni di a pulizia citadina d’Aiacciu ani da essa rinfurzati : ani da essa stallati par tuttu u tarritoriu cinnaraghja, da pudè accodda i mocculi è riciculà li, è sarani missi in anda azzioni di sinsibilisazioni in i scoli.
