Déchets et centre de Prunelli di Fium'Orbu bloqué : réaction de la préfecture 2B
(A redazzioni d'Alta Frequenza) - A Prifittura di Corsica Suprana riagisci dopu à l'annunziu fattu da a cumunità di cumuni di Prunelli di Fium'Orbu di u blucchimi di u centru di Prunelli. Nant'à i nostri ondi stamani, Louis Cesari dicia in fatti chì solu i rumenzuli di i cumuni di i so lochi sariani accittati in Prunelli, è què malgradu u protocollu d'accordu signatu ssu marcuri trà u Statu, u Syvadec è a CTC. In ssu protocollu, l'apartura di Tallone 3 hè prugrammata, è l'altri centri ani vistu a so capacità d'accolta crisciuta da arrestati prifitturali aspittendu ss'apartura quì. Mentri chì l'eletti di u tarritoriu ùn si stimavani tantu rassicurati, da u cantu di u Statu omu voli fà passà un missaghju chjaru. Tallone hà da apra, è i sforzi dumandati à l'altri centri sarani limitati in u tempu è rializati inde cundizioni sanitarii propiu siveri, tuttu què cù una vera logica di sulidarità.
Steti à senta à Dominique Schuffenecker, u secretariu generali di a Prifittura di Corsica Suprana.
Sur le même sujet
