Déchets : les critiques de Maria Giudicelli à l'Exécutif de Corse
(A redazzioni d'Alta Frequenza) - Sissioni nova di l'Assemblea di Corsica ssu ghjovi cù com'è "pizzonu" s'è no a ci pudimi parmetta, u cartulari di i rumenzuli, cù daretu à què a crisa putenti ch'ella hà cunnisciutu pocu fà a Corsica. L'Esecutivu, cù a voci di a presidenti di l'Uffiziu di l'Ambienti, Agnès Simonpietri, hà vulsutu prisintà i so pruposti pà cacciassi da un sistema attuali di trattamentu di i rumenzuli qualificatu com'è essendu "murtiferu". Ricusendu l'incinerazioni è l'intarru di i rumenzuli, hà dunqua fattu un spostu cù parechji punti pà ghjunghja in furia fin'è un cambiamentu radicali è difinitivu di mudelu. U dibattitu s'hè ingaghjatu dopu cù raprisintanti d'ogni gruppu puliticu. Si pò ritena par asempiu l'intarvinzioni di l'anziana cunsighjera esecutiva in carica di u Padduc, Maria Giudicelli. Hà vulsutu ramintà certi fundamenti, com'è di pettu à l'azzioni di a mandatura scorsa, chì entrini in appiecazioni oghji grazia à u famosu PPGDND. Maria Giudicelli pruponi di lià i sfarenti arnesi chì asistini par avanzà, com'è u Padduc o ancu l'Uffiziu fundariu par asempiu. Hà criticatu dinò cù forza u metudu prupostu da Agnès Simonpietri, cù scopi micca ambiziosi à parè soiu è chì ùn rispondini micca pà daveru à l'urghjenza di u mumentu in materia di rumenzuli.
Steti à senta à Maria Giudicelli, pà u gruppu Prima a Corsica.
Sur le même sujet
