Décision du tribunal de l'UE pour la SNCM : la réaction de Pierre Mattei, directeur général de la Corsica Ferries
(A redazzioni d'Alta Frequenza) - A nutizia hà da fà l'effettu di una bomba ind'u mondu puliticu è ecunomicu inghjiru à i trasporti maritimi trà a Corsica è u cuntinenti. U tribunali di l'Unioni Aurupea hà annulatu a dicisioni di a Cummissioni, una dicisioni presa l'8 di lugliu di u 2008, dicendu di sì à l'insemi di i misuri presi da a Francia à prò di a SNCM. A cummissioni avia stimatu à l'epica chì i 158 millioni d'auri arricati da u Statu, i 76 millioni d'auri di a CGMF, a cumpagnia ghjinirali maritima è finanziaria, cù in più calchì decina di millioni d'auri quì è culà, erani in leia cù u dirittu aurupeu. U tribunali hà ghjudicatu chì a cummissioni s'era sbagliata tandu, com'ella s'era sbagliata nant'à i 38 millioni d'auri cunsacrati à l'aiutu à a parsona, un dispusitivu ghjudicatu tandu com'è essendu fora di un aiutu di Statu. Di modu chjaru, tuttu ciò chì hè statu fattu à prò di a SNCM duranti a so fasa di privatisazioni era fora di legi di pettu à u dirittu aurupeu, un arrestu di ghjustizia chì hà da fà impeghjuriscia a situazioni à u mumentu chì issu cartulari hà da vultà nant'à u scagnu di l'Assemblea di Corsica. Da u cantu di a Corsica Ferries, issa dicisioni di ghjustizia hè stata accolta cù suddisfazioni.
Écoutez Pierre Mattei, son directeur général.
