Déclaration commune Etat-CTC-SYVADEC pour faire face à la crise des déchets
(A redazzioni d'Alta Frequenza) - Signatura d'una dichjarazioni cumuna ssu marcuri pà fà fronti di pettu "à a crisa di a gistioni di i rumenzuli ch'ella cunnosci a Corsica". Un ducumentu firmatu à tempu da u Statu, a CTC è u Syvadec. Pà u presidenti di u cunsighju esecutivu, ssu protocollu devi parmetta di truvà un puntu d'equilibriu pà gistiscia u tempu transitoriu. Ssa dimarchja si scrivi prima in un cunstestu di riduzzioni significativa di i rumenzuli à mezu andà, in leia cù l'ultima deliberazioni di l'Assemblea di Corsica. À tempu, è pà fà fronti di pettu à a situazioni d'urghjenza, i prifetti di i dui dipartimenti ani presu arrestati pà fà crescia i capacità amministrativi d'accolta di i centri chì asistini. Ssi misuri s'accumpagnani in ssa dichjarazioni cumuna di sforzi da a parti di i trè cullittività. Dumandà un sforzu limitatu in u tempu, prupunendu à tempu cumpensazioni è guaranzii cuncirnendu i riduzzioni di i disturbi, eccu u sensu di a dimarchja d'appressu à Gilles Simeoni. U presidenti di u cunsighju esecutivu hà annunziatu dinò chì l'apartura nova di u centru di Tallone era privista. Un ducumentu à trè mani, ma chì hè statu rializatu, sicondu i signatarii, in a cuncertazioni cù l'eletti di i tarritorii. Malgradu què, tuttu ùn hè micca arrigulatu, com'ellu a dici Gilles Simeoni.
Steti à senta à Gilles Simeoni.
Sur le même sujet
