Défense du service public maritime pour la Corse : l'appel du STC
(A redazzioni d'Alta Frequenza) - U STC hà riagitu in furia à l'annulazioni di a dilegazioni di serviziu publicu maritimu da u tribunali amministrativu di Bastia, è in un cumunicatu longu, volta annant'à a situazioni dramatica di a SNCM. In un'argumentazioni longa in fatti, volta annant'à l'essenziali di a so lotta, vali à dì u ritornu di a pruprietà di i battelli à a Cullittività di Corsica è l'emergenza di un'entità à u capitali publicu corsu, unica struttura d'appressu à ellu chì pudaria lacà da cantu logichi particulari. Dopu a dicisioni stamani di u TA di Bastia, u STC dumanda à a CTC di dà un avisu da fà chì u tribunali di cummerciu di Marseghja rimandessi qualsiasi dicisioni cuncirnendu l'attribuzioni di a nova DSP. U sindicatu naziunalistu dumanda dinò à i servizi di a cumissioni aurupea di sfruttà tutti i pussibilità ecunomichi è ghjuridichi par chì a Corsica pudissi ammaistrà pà daveru i so trasporti; priciseghja, quì dinò, ritruvendu u materiali navali, di primura pà u so sviluppu ecunomicu è suciali. U STC sarà ghjovi, à partasi di novi ori è mezu, davanti à l'assemblea di Corsica, pà difenda ssi punti quì.
