Degradations à la mairie d'Ajaccio
(A redazzioni d'Alta Frequenza) - Disguasti sò stati custatati ssa dumenica ind'a casa cumuna d'Aiacciu. A direzzioni municipali spieca in fatti chì una parsona, chì saria stata sola, hà riisciutu à entra inde u hall di a merria è hà fattu parechji disguasti (fili strappati, accolta missa di sottu, screnu di a sala di u cunsighju municipali rinvirsciatu, scatuletta di l'alarma di i Salotti Nabuliuniani sciappata,...)". "A ghjunta micca privista di u Merri è di dui di i so cullaburatori ùn hà micca parmissu à u malfattori d'andà più luntanu ind'i so disguasti; hè sparitu versu u parking di u Palazzu di i Cungressi". Dopu à què, Simon Renucci hà postu una lagnanza contr'à x. Ind'u so cumunicatu, a Direzzioni municipali "cundanna cù forza ss'atti, quillu o quilli chì l'ani fatti, è forsa, quillu o quilli chì l'ani ispirati". "Inde l'ambiu di pulemica eletturali, cù u cumbugliu custatatu par asempiu annant'à i reti suciali, a Direzzioni municipali chjama à u calmu è à a raghjoni. I dibattiti eletturali devini usservà a serenità nicissaria pà un eserciziu appaciatu di a demucrazia, chì và contr'à i discorsi agressivi, i pruvucazioni o l'inghjulii". Aiacciu ùn hà micca bisognu d'insulti, ma di paci" compii a direzzioni municipali. Un'inchiesta hè stata aparta è investigazioni sò rializati sopralocu.
Sur le même sujet
