Délégation corse à Paris : le cadrage
(A redazzioni d'Alta Frequenza) - A cumissioni Chaubon s'hè adunita pà pudè ditarminà u cuntinutu di a riunioni di luni in Parighji trà l'eletti di a Corsica è i ministri di l'Internu è di a Dicintralisazioni. Pricisemi ch'ellu si trattarà di una dilegazioni soprattuttu cumposta da eletti di a CTC, i presidenti di gruppi sarani prisenti, ma micca solu, parchì i parlementarii sarani dinò quì, i presidenti di i cunsighji dipartimintali, eppo i merri d'Aiacciu è di Bastia. A dilegazioni isulana hà da prisintà torna u raportu è i dui deliberazioni di l'assemblea di Corsica cuncirnendu ssa quistioni. Si palarà dinò, ùn era micca privistu pà daveru, di fiscalità. Trè punti di primura sarani scritti in u prugramma : u famosu articulu 13 di a legi NOTRe, chì dà i cundizioni di a criazioni di a cullittività unica, a manera di vutà à l'assemblea di Corsica, è a famosa prima chì crea torna prublemi, è infini a raprisintazioni tarrituriali cù u cunsighju di i tarritorii, sempri cusì iputeticu.
Steti à senta à Pierre Chaubon annant'à ssu sughjettu impurtanti.
Sur le même sujet
