Délégation corse à Paris: pas de surprise pour José Rossi
(A redazzioni d'Alta Frequenza) - "Ùn c'hè micca u contu !" Eccu ciò chì spunta dopu a riunioni oghji (marti) in u ministeru di l'accunciamentu di u tarritoriu, di a ruralità è di i cullittività tarrituriali trà Jean Michel Baylet è a raprisintazioni pulitica corsa. In fatti, hè maiò a dillusioni dopu à dui ori di discussioni trà u ministru, a so secretaria di Statu è a dilegazioni isulana cumposta da i parlementarii, i raprisintanti di l'Assemblea di Corsica, di i dipartimenti è l'associ di i merri. Malgradu u galateu, anc'assai, i parolli ministiriali ùn ani arricatu tantu speri à l'eletti corsi è nant'à guasgi nisun puntu di rivindicazioni annunziatu. Fora di a clausa di cumpetenza generali di l'Assemblea di Corsica chì saria mantinuta, hè un "innò" generali chì hè statu prununziatu pà ciò chì tocca i grandi temi prisintati. A Cullittività unica, sarà iè ma solu nant'à criterii difiniti da u guvernu. Pà u restu, i temi maiò prisintati par asempiu da a rivindicazioni naziunalista, i dui ministri ani annunziatu di manera chjara ch'elli ùn aviani micca mandatu pà parlà di ssu gennaru d'affari. José Rossi, pà contu soiu, di pettu à a spera chjuca ch'ellu avia missu in ssa riunioni, ùn hè statu tantu dillusu.
Steti à senta à José Rossi, u presidenti di u gruppu Le Rassemblement à l'Assemblea di Corsica.
Sur le même sujet
