Démolition du restaurant les Tamaris : la commune de Grosseto Prugna récupère l'espace libéré
(A redazzioni d'Alta Frequenza) - Les Tamaris, ni vi parlavami ind'i nostri edizioni scorsi, issu risturanti di piaghja impiantatu nant'à u duminiu publicu maritimu di a piaghja di Purtichju, hè statu distruttu arimani (marti). L'azzioni di i Bulldozers faci seguita à un'azzioni in ghjustizia, chì avia principiatu in u 2002 è chì hà dunqua missu più di deci anni nanzi di sbuccà. Sicondu u prifettu di Corsica, prisenti arimani sopralocu, 5 stabilimenti nant'à i piaghji di Cala d'Orzu, quilli di Verghja è di Mare è Sole duvariani cunnoscia da quì à pocu a listessa sorti. Iss'azzioni di u Statu, chì casca à tempu à tuttu issu periudu di viulenza scatinata è di viaghji ministiriali, pari cunvena à parechji parsoni è frà altru à a cumuna di Grussetu Prugna. Quissa quì in fatti hà da ricuparà u spaziu libaratu è lancià un prughjettu chì li teni à cori, una spassighjata maiò chì liaria Purtichju à a torra di Capitellu.
Écoutez Valérie Bozzi, maire de Grosseto Prugna.
Sur le même sujet
