Démoustication préventive : restrictions temporaires de circulation à Ajaccio ce soir et demain
(A redazzioni d'Alta Frequenza) - À a dumanda di a prifittura di Corsica Suttana è di l'Agenza Righjunali di a Saluta, un'uparazioni di privenzioni pà tumbà zinzali sarà rializata stasera è dumani matina in certi quartieri d'Aiacciu da u Cunsighju Generali di Corsica Suttana. Pà falla com'ellu ci voli, calchì accunciamentu sarà nicissariu à u nivellu di a circulazioni annant'à i parti cuncirnati. Stasera, marti à partasi di sei ori è mezu :
- residenza di i Crêtes, residenza Plein soleil è a parti di a strada trà u ghjiratoghju di u cimiteriu è quillu di i Cresti.
Dumani à partasi di :
- cinqui ori è mezu di mani : centru cità (perimetru trà u portu, u carrughju Frediani, u Corsu Nabuliò, u viali 1er Consul
- sei ori : piazza Miot
- sei ori è mezu : strada d'Acqualonga (à partasi di u ghjiratoghju annant'à a strada naziunali 194)
Pà limità à u più i cunsiquenzi di ssi misuri di circulazioni, hè dumandatu à i parsoni in vittura è motò d'ùn passà micca pà ssi stradi à ssi mumenti pricisi è, in tutti i casi, di rispittà i cunsigni di i forzi di l'ordini (pulizza naziunali è pulizza municipali) prisenti annant'à u tarrenu.
U pruduttu (deltametrina) cù a quantità usata ùn hà micca effettu particulari, nè pà i parsoni nè pà l'animali. U tempu di sparghjera inde l'aria hè di calchì minuta solu.
Duranti l'intarvinzioni, hè racumandatu quantunqua à a pupulazioni prisenti di stassini in casa è di sarrà i finestri.
Sur le même sujet
