Démoustication préventive : restrictions temporaires de circulation à Ajaccio et golfe de Lava
(A redazzioni d'Alta Frequenza) - Un'uparazioni priventiva d'eliminazioni di i zinzali sarà rializata ssu luni in principiu di sirata annant'à dui punti di u rughjoni aiaccinu, à a dumanda di a prifittura di Corsica Suttana è di l'Agenza regiunali di a saluta. Uparazioni chì dumandarani calchì accunciamentu di circulazioni pà i lochi cuncirnati. In fatti, l'accessu à u golfu di Lava pà a strada dipartimintali 381 sarà suspesu à partasi di sei ori è mezu di sera duranti un'ora à pocu pressu, mentri chì a circlazioni sarà piantata di manera puntuali dinò, duranti calchì minuta ogni volta, vicinu à l'aeruportu d'Aiacciu trà setti ori è mezu di sera è novi ori di sera. Pà limità à u più i cunsiquenzi di ssi misuri annant'à a circulazioni, hè dumandatu à l'autumubilisti di rispittà i cunsigni di i forzi di l'ordini prisenti annant'à u tarrenu. U pruduttu, cù i quantità aduprati, ùn hà effettu particulari, nè pà i parsoni nè pà l'animali. U tempu par ch'ellu si svaniscissi inde l'aria hè di calchì minuta solu. Duranti l'intarvinzioni, hè racumandatu malgradu tuttu à a pupulazioni prisenti di stassini ind'è ella è di sarrà i finestri.
Sur le même sujet
