Départementale Bastia-III : le duo Martelli - Piacentini veut représenter la vraie gauche
(A redazzioni d'Alta Frequenza) - "In Bastia, omu prifirisci u PRG di Bastia di pettu à u PRG d'Antisanti". Ssa fiacchina hè di Juliette Dominici, cunsighjera municipali di Bastia radicali di manca è sustegnu di u duettu Joseph Martelli-Anne Marie Piacentini chì hà prisintatu di manera ufficiali a so candidatura à a dipartimintali parziali di u terzu cantonu di Bastia. Un'infrasata chì riassumi propiu bè ciò ch'ellu hè u cori di a divisioni straurdinaria di u Partitu Radicali di Manca di Corsica Suprana in ss'alizzioni. Una guerra di i clani chì l'istanzi naziunali soca ani dicisu, diciarani certi, di lacà corra. Di fattu, u duettu si poni com'è quillu chì hè prisenti nant'à u tarrenu, chì cunnosci i rialità suciali di u cantonu, chì ùn faci micca prumessi maiò ma chì voli difenda prima di tuttu u suciali è l'intaressi di Bastia in a perspettiva di una cullittività unica chì ùn piaci mancu appena à u duettu pà quali a priurità in ss'alizzioni ferma di batta u ticchettu di a maghjurità municipali.
Steti à senta à Joseph Martelli.
Sur le même sujet
