Départementales 2015 : Femu a Corsica dit NON
(A redazzioni d'Alta Frequenza) - Ci voli à rimandà, o piuttostu ùn ci voli micca à vutà à u mesi di marzu pà l'alizzioni di i cunsighjeri dipartimintali! Eccu a vulintà franca è chjara di u gruppu Femu a Corsica di l'assemblea di Corsica. Duranti una cunfarenza di stampa urganizata stamani (marti), u gruppu naziunalistu hè vultatu annant'à i travaghji di a cumissioni Chaubon è annant'à l'accunsentu impurtanti chì spuntaria, à diritta com'è à manca, à prò di una cullittività unica. D'appressu à ellu, l'alizzioni dipartimintali di marzu di u 2015 mandariani guasgi à caternu i pussibilità di veda sbuccà una riforma impurtanti in Corsica. Parchì?
I spiecazioni di Ghjuvan Cristofanu Angelini, presidenti di Femu a Corsica.
