Départementales dans le canton d'Ajaccio IV : épilogue dimanche soir
(A redazzioni d'Alta Frequenza) - Un bilanciu è prughjetti : hè cu què chì Nathalie Ruggeri è Charly Voglimacci s'ani da prisintà pà u sicondu ghjiru di l'alizzioni dipartimintali ind'u cantonu d'Aiacciu IV. Cù 57,48% dumenica scorsa, ma ubligatu à passà pà un antru tornu postu ch'ellu ùn hà micca racoltu i 25% di i scritti nicissarii, u duettu hè sirenu à 48 ori di u votu. Stima chì u fattu chì parsoni numarosi ùn sighini micca ghjunti à vutà si spiega par asempiu par via di i difficultà di parechji alittori à truvà u so scagnu di votu dopu à l'urganisazioni nova. Ssu mumentu trà i dui ghjiri hà ghjuvatu dunqua à fà opara di pedagugia è di rinsignamenti in a materia, ma dinò à u nivellu di u prughjettu. Un prughjettu chì ferma una priurità pà Nathalie Ruggeri è Charly Voglimacci. Ùn si scordani micca malgradu tuttu di i 25% di u Front National à u prima ghjiru. Un votu chì, par elli, ùn hè micca un votu ideulogicu lucali ma chì ferma annant'à a dinamica di a cuntistazioni naziunali.
Steti à senta à Nathalie Ruggeri è Charly Voglimacci, u duettu UMP.
