Départementales en Corse-du-Sud : En route vers le troisième tour !
(A redazzioni d'Alta Frequenza) - 1926 voti è 71,49% di i voti : eccu u risultatu di ssa dumenica à sera di u duettu Nathalie Ruggeri è Charly Voglimacci ind'u quattriesimu cantonu d'Aiacciu. Un sicondu ghjiru com'è una furmalità pà i raprisintanti di a maghjurità municipali UMP, chì avia racoltu 1595 voti duranti u prima ghjiru dumenica scorsa, ma chì era statu ubligatu à prisintassi torna pà un sicondu ghjiru postu ch'ellu ùn era micca ghjuntu à i 25% di i i scritti nicissarii. Un risultatu chjaru è una cuntintezza maiò pà Nathalie Ruggeri, soprattuttu chì u Front National cresci pocu in ssu cantonu urbanu cù parechji quartieri ditti pupulari. U dipartimentu t'hà dunqua un'eletta in più ind'a so maghjurità di diritta, pà ciò chì tocca à l'alizzioni pà a presidenza di l'istituzioni chì sarà urganizata ghjovi, faci l'ughjetti di discussioni numarosi è scontri. Ci pudariani essa dui candidaturi, quilla di Jean Jacques Panunzi, u presidenti attuali, elettu ind'u so cantonu è senatori di Corsica Suttana è quilla di Marcel Francisci, cunsighjeru tarrituriali è elettu dumenica scorsa à fiancu à Valérie Bozzi. Marcel Francisci dici ch'ellu voli andà ver di l'accunsentu di tutti, ma ùn metti micca da cantu l'idea di primarii interni.
Steti à senta à Marcel Francisci.
Sur le même sujet
