Départementales en Haute-Corse : Corsica Libera veut incarner une démarche cohérente
(A redazzioni d'Alta Frequenza) - Annant'à u tarrenu di i dipartimintali, Corsica Libera ùn voli micca fà figurazioni. In fatti, u partitu indipendentistu sarà assai prisenti in Corsica sana, ancu inde iniziativi cumuni cù i naziunalisti muderati in certi cantoni di u Pumonti ma dinò di u Cismonti. S'ellu hè troppu prestu sicondu Corsica Libera pà parlà di manera prufonda di ssa strategia glubali, quilla di a cuerenza hè stata difinita in Corsica Suprana. Ci voli à dì chì ind'i quattru cantoni bastiacci, l'allienzi di l'ultimi municipali trà naziunalisti muderati è una parti di a manca è di a diritta sò stati rinnuvati, una cunfigurazioni chì tandu avia dillusu particularmenti Corsica Libera chì dici ch'ellu hè u solu veru partitu naziunalistu in ssi casi di figura. In u dipartimentu, di manera più glubali, i facci cunnisciuti dipoi un pezzu com'è quilli d'Eric Simoni, François Sargentini, Sébastien Quenot o Petr'Antò Tomasi sarani à fiancu à facci novi, ghjovani o menu ghjovani, chì aviani fin'è oghji una sparienza eletturali limitata o allora mancu com'è Massimu Poli, Josepha Geronimi, Culomba Sicurani o u famosu Jojo Bonavita.
Steti à senta à Eric Simoni pà Corsica Libera.
Sur le même sujet
