Départementales : forte poussée du Front National à Bastia
(A redazzioni d'Alta Frequenza) - Una di i surpresi di u prima ghjiru di i dipartimintali in Corsica Suprana hè a cullata di u Front National, par asempiu ind'i cantoni bastiacci. Fora di u sicondu cantonu, induva u FN ùn avia micca candidatu, quissi quì facini un risultatu à dui sciffri ind'i trè altri cantoni, Christophe Canioni è Stéphanie Giacometti rializendu 12,83% ind'u prima cantonu, Marc Cerf è Chantal Anziani 16,53% ind'u terzu cantonu, mentri chì Michel Bruschini è Marie Jeanne Neimari, cù 17,54%, ani mancatu di vintinovi voti di ghjunghja à u sicondu ghjiru ind'u quattriesimu cantonu, guadagnendu ancu ind'u seiesimu scagnu. Cù bunissimi sciffri ind'i quartieri pupulari in u meziornu di a cità, i candidati di u Front National sperani di veda ssi risultati crescia pà i tarrituriali, induv'elli sperani oramai di ghjunghja inde l'emiciculu di l'Assemblea di Corsica.
Steti à senta à Christophe Canioni, pà u Front National-Rassemblement Bleu Marine-Avvene Corsu.
