Derby ACA - SCB : les précisions du Sporting
(A redazzioni d'Alta Frequenza) - Stamani (vennari) duranti una cunfarenza di stampa, i dirighjenti di u Sporting Club di Bastia ani ditaghjatu i cunsigni di securità pà u derby di dumenica dopu à un'ultima riunioni arisera in Timizzolu cù a prifettura, i forzi di l'ordini, a LFP è i dirighjenti di l'ACA. Qualsiasi incidenti custatatu sabbatu à sera in Aiacciu trà sustenidori di i dui clubs inghjinnarà intardizzioni di stadiu pà i prutagunisti. U lindumani, cuntrolli stradali sarani rializati nant'à a strada Bastia - Aiacciu. Hè dumandatu dinò à quilli chì ùn ani micca piazza di ùn andà micca à u stadiu. Pà a partita, a porta di u stadiu ditta di a rotonda sarà aparta sclusivamenti à i 3000 sustenidori bastiacci in onori o tubularia, cù una filicata rializata da a sucità di securità di u SCB. Qualsiasi sustenidori bastiacciu o aiaccinu presu cù un arnesi pirotennicu sarà arristatu subbitu. I porti di u stadiu sarani elli aparti à partasi di 11 ori è 30. Altri misuri tucchendu à l'accessu à u stadiu sò stati presi.
Présentation de celles-ci avec Joseph Franceschini, vice-président du SCB
Sur le même sujet
