Derby SCB-ACA: décision de la commission de discipline jeudi 16 mai
(A redazzioni d'Alta Frequenza) - Adunita arisera (ghjovi) in Parighji, a Cumissioni di disciplina di a Lega di Ballò Prufessiunali ùn avarà micca datu a so dicisioni nant’à u cartulari di l’incidenti accaduti u ghjornu di u derby trà u SC Bastia è l’AC Aiacciu, à u mesi di marzu. L’affari pudariani mova à issu nivellu ghjovi u 16 di maghju. Sanzioni sò stati cunnisciuti inveci contr’à dui ghjucadori aiaccini è un membru di u staff di l’ACA pà altri scontri. Di fattu, Fousseni Diawara hè suspesu pà una partita dopu à a so sclusioni di a settimana scorsa contr’à Montpellier, mentri chì pà issa stessa ghjurnata di campiunatu, l’intrenori di i guardiani, Thierry Debès, hè suspesu pà dui partiti di bancu, di lucali d’arbitri è di qualsiasi funzioni ufficiali. Infini Matthieu Chalmé, sarà assenti pà dui scontri, dopu à un gestu contr’à un ghjucadori di Sochaux u 6 d’aprili, custatatu da a cumissioni incaricata di rifighjulà i partiti. Issi dui ultimi sanzioni pighjarani effettu à partasi da luni chì veni.
