Dernière session du Conseil Départemental 2A dans une ambiance tendue
(A redazzioni d'Alta Frequenza) - L'ambienti era caldu stamani (marti) torna in u Cunsighju Dipartimintali di Corsica Suttana chì hà vistu torna ondeci cunsighjeri upponasi à ondeci altri. U primu affari hè ghjuntu da un rappellu à l'arrigulamentu di a cunsighjera di u Sartinesu è di u Valincu, Chantal Pedinielli chì hà interpellatu u presidenti Luciani annant'à a legalità di i deliberazioni aduttati. Ssu prublema s'hè manifistatu d'appressu à ella par asempiu duranti u votu di u raportu annant'à a reta stradali d'Aiacciu, vutatu è aduttatu cù i voti di l'aghjunti à u merri di a cità. Ma, pà Chantal Pedinielli, un cunsighjeru municipali, aghjuntu à u merri soprattuttu, chì faci parti dinò di un'antra culittività ùn pò micca participà à un votu chì cuncerna a so cumuna. Hè accadutu torna stamani duranti u votu di una dicisioni mudificativa di u bughjettu di u SDIS, chì includi mezi in più di un valori di 800 000 auri. Ssu raportu hè statu aduttatu infini da 11 voti contr'à 11 è torna una volta a voci di u presidenti Luciani hè stata ditarminanti.
Steti à senta à Chantal Pedinielli.
Sur le même sujet
