Des supporters vont lancer un crowdfunding pour entrer dans le capital du SC Bastia
(A redazzioni d'Alta Frequenza) - Mentri chì l'avvena di u SC Bastia s'annigrisci ogni ghjornu chì passa, com'è a dimostra a partita ch'ellu hà dicisu d'ùn ghjucà più in amichevuli ssu sabbatu contr'à Bordeaux in Arcachon, più d'una cinquantina di sustenidori aduniti ssu ghjovi à sera in Bastia ani sceltu di lancià un'iniziativa. Ss'associu, chì si chjama Socios Etoile Club Bastiais, cù Anthony Luciani com'è presidenti è l'anzianu ghjucadori di u Sporting Ismaël Triki com'è presidenti d'onori, t'hà com'è scopu di lancià da quì à calchì ghjornu un crowdfunding. U scopu di ssu crowdfunding, di 50 auri par omu, racoglia abbastanza soldi pà pudè entra in u capitali di u club à fiancu ad altri pruprietari s'è u club ferma in Naziunali 1 è dà una vera voci à i sustenidori ind'a gestioni di u club, o forsa ripighjà u club sanu s'ella c'hè una bancarotta è parta torna in Naziunali 3. Una suluzioni chì parmetti di renda ciò ch'elli ani investitu ssi microinvestidori s'ellu c'hè un fiascu. In tutti i casi, a cundizioni ubligatoria pà pudè investiscia sarà a partenza di l'azziunari attuali.
Steti à senta à Anthony Luciani, u presidenti di u Socios Etoile Club Bastiais.
Sur le même sujet
