Desserte maritime de l'île : la CGT SNCM a quitté l'hémicycle avant la fin des débats
(A redazzioni d'Alta Frequenza) - L'Assemblea di Corsica hà aduttatu arisera (vennari) cù una maghjurità corta u novu dispusitivu chì s'impunarà à i trasporti maritimi trà a Corsica è u cuntinenti. Una maghjurità corta parchì u ducumentu novu prisintatu da l'Esecutivu hà racoltu solu 26 voti, una maghjurità assuluta dunqua ma bella luntanta di l'adunita famosa vulsuta da tutti i furmazioni pulitichi pà un cartulari cusì impurtanti. Pà andà à l'essenziali, parchì u cartulari hè assai assai cumplessu, si pò dì chì u serviziu publicu maritimu si prisintarà cusì : setti cargò misti, ci vulari à dì piuttostu battelli misti, partendu da Marseghja, è solu da Marseghja. U portu di Tulò ùn hè dunqua micca integratu ind'u serviziu publicu. Missa in piazza di un dispusitivu dittu suciali di rigulamentu di i cunflitti suciali è suppressioni bella sicura di u famosu aiutu suciali. U gruppu cumunistu, cù a voci di Michel Stefani, s'hè battutu tutta a ghjurnata d'eri pà uppona si à una scrittura troppu liberali, à parè soiu, di u novu raportu nant'à u serviziu maritimu. A CGT di i marinari di a SNCM, stradillusa da l'andatura di l'avenimenti si n'era andata d'altrondi di l'emiciculu nanzi à a fini di i dibattiti.
Écoutez Frédéric Alpozzo, son porte-parole.
