Desserte maritime : le sentiment de Femu a Corsica
(A redazzioni d'Alta Frequenza) - U famosu dibattitu nant'à u futuru serviziu maritimu di a Corsica, un dibattitu à tensioni alta di pettu à a so impurtanza, hè andatu finalmenti à l'accorta in fin di dopu meziornu. Si vidia bè stamani (vennari) chì, appena i discussioni cuminciati, chì l'affari era mal ingaghjatu. Dopu à l'annunziu di l'affari da Paul Giacobbi, Paul Marie Bartoli hà pruvatu duranti un longu tempu à spiecà i dati di un prublema chì paria piuttostu essa una prova d'arrigulamentu d'ogni affari pà ogni squadra pulitica, cà quilla di truvà suluzioni simplici à difficultà di serviziu maritimu. L'usservatori, è parechji cunsighjeri tarrituriali t'ani avutu à spessu di guai à suvità u filu di un cartulari mal cuncipitu d'appressu à certi. Prova di a mancanza di maturazioni di un cartulari essenziali pà a Corsica, una bona cinquantina di mudificazioni era stata posta, a maiò parti ghjunghjendu da a maghjurità tarrituriali stessa. Di pettu à l'impussibilità matiriali di ghjunghja à un votu oghji hè stata dicisa, micca di rimandà issu cartulari, ma di suspenda lu; è ùn hè micca solu un prublema di sensu. Femu a Corsica avia dumandata stamani chì u cartulari sighi rimandatu; hà presu a pratesa issu dopu meziornu di quilli chì chiriani una suspensioni. Omu vultarà dunqua vennari chì veni dopu à una longa settimana di travaghju difficiuli, ciò chì cunveni à Jean Christophe Angelini.
On l’écoute
Sur le même sujet
