Desserte maritime : possibilité d'une continuité territoriale entre Corse et Sardaigne?
(A redazzioni d’Alta Frequenza) - Fini di u serviziu cumplementariu - i famosi car-ferries da gisticia u sciffru di statina - quadru più bonu pà l’aiutu suciali, micca alarghera di a dilegazioni di serviziu publicu nant’à Tulò, sò i misuri maiò annunziati arisera (luni) da Paulu Giacobbi duranti u dibattitu nant’à u serviziu maritimu. Si tratta ben intesa solu di u pianu di l’ubligazioni novi di u serviziu publicu chì sarani prisintati da quì à calchì settimana ma si pò dì dighjà chì i cosi sò belli chjari. Fora dunqua nurmalamenti da i ligni di Corsica i car-ferries Napoléon è Danielle Casanova chì duvarani andà si ni ver di altri lochi, o tandu di vena à impustà si nant’à u marcatu libaru, senza cumpensazioni finanziarii dunqua. Trà i vintati di Mistrali è quilli di Libecciu, si pò dighjà priveda periudi disturbati pà ciò chì tocca à u serviziu maritimu. Ecunumia putenziali : trà 40 è 45 millioni d’€ frà i quali una dicina saria mandata subbitu ver di i trasporti aerei, par via di a sopra ufferta d’Air France. Di pettu à issu tsunamì puliticu maritimu a dumanda posta arimani (luni) da Jean-Charles Orsucci s’assumighja forsa à un marosulucciu. Quissu quì hà postu in fatti a quistioni si sapè s’è una certa forma di cuntinuità tarrituriali ùn pudaria micca essa riflittuta trà a Sardegna è a Corsica. Una dumanda chì ùn hè micca di poca primura à u mumentu duva si metti in ballu una ridifinizioni di modu prufondu di u serviziu maritimu di a Corsica.
Écoutez Jean-Charles Orsucci
Sur le même sujet
