Desserte maritime : un débat mais pourquoi faire?
(A redazzioni d'Alta Frequenza) - U serviziu maritimu ! Era u dibattitu, un novu dibattitu nant'à issu tema, di l'Assemblea di Corsica chì hè principiatu stamani (luni). Ùn emi micca da rammintà a seguita d'avenimenti ghjuridichi chì ani purtatu l'assemblea à travaghjà in urghjenza nant'à un cartulari cusì impurtanti, ma si pò dì chì torna una volta a più grandi serenità ùn sarà micca in cori à issu dibattitu. Dopu à u colpu di forza di i marinari CGT à bordu di u car-ferries Corse, dopu à u colpu di risposta di i forzi di l'ordini chì ani "libaratu" issu battellu, è dopu à un novu avertimentu di greva pà a fini di a settimana ind'i dui cumpagnii di serviziu publicu, omu si pudia aspittà à un dibattitu ind'un ambiu pisivu. Iss'ultimu hè duratu tuttu u dopu meziornu, ma ci voli à dì subbitu chì, s'ellu ùn hè micca statu un dibattitu pà nulla, ùn sarà chjosu da nisunu votu. U veru grandi dibattitu, cù scelti fatti è presi di dicisioni duvaria intarvena versu à mità di marzu. Oghji, i cunsighjeri tarrituriali si sò dunqua cuntintati di cumintà u cumentu, vali à dì un raportu priparatu da un cabinetu di spertizia ghjustu appuntu nant'à u serviziu maritimu di a Corsica. Ed hè ghjustu appuntu issu raportu chì hà postu prublema parchì chì accusazioni gravi sò stati purtati ver di ellu stessu da a cunsighjera di l'uppusizioni libarali, Marie-Antoinette Santoni-Brunelli.
Écoutez Marie-Antoinette Santoni-Brunelli.
Sur le même sujet
