Destruction de l'ancien collège du Finusellu : quelques précisions techniques
(A redazzioni d'Alta Frequenza) - L'anzianu culleghju di u Finusellu, chì ùn hè più occupatu è vittima di un focu in u 2009 hà da spariscia infini di u paisaghju urbanu di issu quartieru. Cinqui millioni d'auri di travaghju, forsa chì a custruzzioni di u culleghju in l'anni 1960 hà custatu u listessu prezzu, sarani nicissarii pà rializà issu cantieru difficiuli duva ci voli à fà assai casu. Com'è tutti i custruzzioni di iss'epica quì, i strutturi ditti Pailleron, sò carchi à tigliu è a so demulizioni imponi dunqua metudi assai particulari. Peghju, nant'à i cinqui parti di u culleghju, ci n'hè una chì hà brusgiatu ed hè nant'à quissa quì chì sò andati tutti l'attinzioni. Iss'ultima sarà ingutuppata pà mantena un'atmosfera cunfinata. Issa parti sarà demulita da l'internu è una prissioni negativa hà da impediscia qualsiasi cuntaminazioni di l'aria di fora. Tutti ciò chì si devi ghjittà sarà imballatu di modu ermeticu è mandatu in cuntinenti. Pà Simon Renucci, hè a cunclusioni di un travaghju longu chì hà dumandatu l'impegnu di a cità malgradu ella. Thierry Mazel, direttori ghjinirali aghjuntu di i servizii tennichi di a cità d'Aiacciu ci ni dici appena di più.
Ecoutez-le.
