Dette sociale agricole en Corse : l'engagement du ministre de l'Agriculture
Photo Facebook Stéphane Le Foll
(A redazzioni d'Alta Frequenza) - U debbitu suciali agriculu in Corsica, un cartulari dighjà abbastanza anzianu, hè statu amintatu ssu marti à l'Assemblea naziunali. Duranti a seenza di i dumandi à u guvernu, u diputatu di Corsica Suttana Camille de Rocca Serra hà vulsutu intarrugà u ministru di l'Agricultura, Stéphane Le Foll nant'à ssu prublema di a risuluzioni di i debbiti suciali è bancarii di l'agricultori isulani. Camille de Rocca Serra hà ramintatu l'impegnu di u ministru di l'agricultura à u puteri in u 2005, chì prividia di sguassà ciò ch'ellu si devia à a Mutualità Suciali Agricula nanzi à u 1996 è a presa in carica da u Statu di 50% di u debbitu suciali di l'agricultori in attività è di i ritirati pà un tempu trà u 1996 è u 2004. Un prima puntu solu pà l'arrigulamentu di una prublematica sana chì ferma putenti, ciò chì spiega a dumanda di u diputatu di Corsica Suttana di metta in ballu un veiculu legislativu in a materia. Stéphane Le Foll hà vulsutu dì chì ci sò stati avanzati ss'ultimi anni pà migliurà a situazioni campata da l'agricultori corsi. U ministru hà cunfirmatu a necessità di truvà in a legi di finanzi 2017 un veiculu legislativu è un articulu specificu pà cuntinuà à sguassà u debbitu, ma dinò chì tutti i cartulari di l'anziani debitori duvarani essa rigularizati da quì à a fin di l'annu.
Steti à senta à Stéphane Le Foll.
Sur le même sujet
