Deux incendies en Haute-Corse
(A redazzioni d'Alta Frequenza) - In Corsica Suprana, i spignifochi sò stati ubligati à intarvena arisera (marcuri) pà dui fochi. U primu hè partutu annant'à a cumuna di Pedrigrisgiu, in bordu di a strada naziunali, brusgiendu 600 m2 di piccula machja; un focu chì hè statu ammaistratu in furia. U sicondu s'hè dichjaratu appena dopu in Bisinchi. Un ettari è mezu di vegetazioni hè statu distruttu à u minimu. Spignifochi di Bastia, Lucciana è Corti, vali à dì più di trenta omi, sò stati mubilizati.
Sur le même sujet
