Développement du e-tourisme : les hôteliers corses doivent se mettre à la page
(A redazzioni d'Alta Frequenza) - Si parla torna oghji di u "e-turisimu", un cuncettu natu par via di l'evuluzioni di i tennulugii di a cumunicazioni annant'à internet. Si tratta di manera più pricisa di a cunsumazioni d'attività turistichi nant'à a tela, vali à dì a riservazioni di pristazioni o a ricerca d'infurmazioni pà appruntà i so vacanzi. A Camara di Cumerciu è d'Industria d'Aiacciu è di Corsica Suttana hà urganizatu calchì ghjornu fà un scontru trà sperti di i tindenzi novi di u numericu in ssu settori è pruprietari d'hôtels isulani da fà chì ss'ultimi pudissini sapenni di più è truvacci un prufittu. À u mumentu chì a parti di i venditi in linea di biglietti d'avviò, di battellu, o a riservazioni di stanzi d'hôtels cresci sempri di più annant'à l'urdinatori, i touchpads o ancu i telefunini, i prufiziunali di u turisimu in Corsica si devini metta à ghjornu par asempiu grazia à un situ internet chì pò essa bè vistu è chì pudissi attraia u publicu, essendu à tempu adattatu à i sfarenti mezi numerichi chì asistini. Una necessità oghji d'appressu à Gérard Jodineau, presidenti di l'UMIH di Corsica pà i pruprietari d'hôtels.
Steti à senta à Gérard Jodineau.
Sur le même sujet
