Développement économique : la CAPA lance la Mission Entrepreneur, Entreprise et Emploi
(A redazzioni d'Alta Frequenza) - A M3E hè lanciata ! A Cumunità d'Agglumerazioni di u Paesi Aiaccinu hà apartu in fatti i porti di a Missioni Intraprenadori, Intrapresa è Impiegu, lucalizata in u quartieru San Ghjaseppu in Aiacciu. Si tratta di un spaziu dedicatu à l'intraprenadori, à quilli chì portani prughjetti o capi d'intrapresi dighjà stallati, à i quadri è à i dirighjenti di strutturi, cù tutta una seria di servizi à a so dispuzioni grazia à attelli animati da prufiziunali. A cartula di funziunamentu di a M3E hè stata signata luni trà a CAPA è più di una quarantina di strutturi stallati annant'à u tarritoriu corsu. Risorzi umani è furmazioni, criazioni d'intrapresa è finanziamentu, strattegia, sviluppu è gistioni, ssi tematichi sarani trattati duranti ss'attelli. Un spaziu d'animazioni unicu in Corsica pà tutti i criatori d'attività è di ricchezza annant'à u tarritoriu, com'ella a ci spiega Marie Antoinette Santoni Brunelli.
Eccu l'intervista di a 3a vici presidenti di a CAPA dilegata à u sviluppu ecunomicu è à u numericu.
Sur le même sujet
