Diffusion du documentaire "Ecran de Fumée" ce soir sur Via Stella
(A redazzioni d’Alta Frequenza) - Ghunghjarà o micca ? Trà « u Galsi, eccu lu » caru à Nicolas Sarkozy è « u Galsi, hè finita » di u mondu assuciativu, pari bè chì a balancia sia calata pà u sempri da un cantu solu. Ben chèi u prughjettu ùn sia ancu à metta sottu tarra, pari bè chì, sicondu à a situazioni internaziunali, quissu quì sia ripurtatu à ori belli luntani. Troppu luntani in tutti i casi parchì a Corsica pudessi sempri aspittà a ghjunta di un cumbustibuli più cà nicissariu da fà viaghjà i so novi cintrali di pruduzzioni d’elettricità. Si sà chì l’uzzioni ufficiali riponi oghji nant’à u famosu pianu B : u funziunamentu di issi cintrali saria assicuratu cù gaz naturali liquificatu chì ghjunghjaria da battelli è missu in in cundizioni nant’à lochi impustati à u largu di Bastia è d’Aiacciu. À menu chì un’antru uzzioni spuntessi, è t’avaria ancu a prifarenza di u guvernu, quilla di a stallazioni di un solu locu in Bastia cù una appiccicata via un prughjettu Cyrénée fin’è Aiacciu. Hè ghjustu appuntu tutta issa prublematica chì sarà trattata stasera (marti) nant’à Via Stella da un riportu novu prisintatu da Jean-Charles Chatard è Eliane Parigi. Chì hè u sensu di issa dimarchja ?
Écoutons Jean Charles Chatard, co auteur du film
Sur le même sujet
