Dîner de Beauvau : la réaction de Femu a Corsica
Eccu ti un’altra riazzioni da fà seguitu à a cena di Beauvau è à l’annunzii fatti da l’eletti corsi è da u ministru darmanin.
Dici Femu a Corsica « chì u prughjettu di scrittura custituziunali hè una tappa dicisiva è un passu significativu pà a Corsica è u Populu Corsu ». Pricisa u muvimentu chì « issu prughjettu di scrittura custituziunali privedi a cunsicrazioni llu statutu d’autunumia pà a Corsica, a presa in contu di i so intaressi è a ricunniscenza di u nosciu Populu da cumunità storica, linguistica è culturali, chì hà sviluppatu una lea particulari à a so tarra ».
« U scrittu validatu faci attu di u principiu d’un puteri lighjislativu è rigulamintariu pà a Cullittività autunuma di a Corsica ».
Dici Femu a Corsica ch’idda hè « a prima volta in la storia lla Corsica è di a ripublica francesa ch’iddu si tocca à issu liveddu d’accunsentu ».
Eppuri, dici u muvimentu, « a strada par custruì u statutu d’auntunumia di a Corsica è una suluzioni pulitica glubali hè sempri longa ».
