Dispositif d’Insertion pour un Nouvel Avenir : un engagement fort pour le CG 2A
(A redazzioni d'Alta Frequenza) - U Centru di u Sport è di a Ghjuventù di Corsica è u Cunsighju Ghjinirali di Corsica Suttana, ani firmatu in principiu di settimana una cunvenzioni pà a missa in piazza ufficiali di u "Dispositif d'Insertion pour un Nouvel Avenir". Issu prughjettu "DINA" chì tocca i ghjovani da 16 à 25 anni chì ùn vani più à a scola, in difficultà pà inseriscia si o ancu in rumpitura suciali, t'hà pà scopu di dà li una furmazioni prufessiunali ma micca solu. In fatti, aldilà di i dispusitivi numarosi chì asistini dighjà in materia d'inserzioni di i ghjovani chì dani solu una furmazioni o una seguita pedagogica, quissu quì voli dà torna à issi ghjovani una pussibilità, a voghja d'avanzà è di buscà si un impiecu, è rializà, quandu ci voli à fà la, una vera ricustruzzioni di l'individu. Pà a prima sissioni, chì si tinarà fin'è u mesi di lugliu, una piccula dodicina di staziari s'ani da stallà à u CSJC. Un impegnu forti è assai di primura pà u Cunsighju Ghjinirali di Corsica Suttana, com'è a ci dici Laurent Marcangeli, presidenti di a Cummissioni di a Cuesioni Suciali è di a Saluta à u CG 2A.
Ecoutez-le.
Sur le même sujet
