Divorce Bastia-CAB : à chacun sa vérité
(A redazzioni d'Alta Frequenza) - Postu ch'è no sariami intruti in un tempu di chjam'è riposndi accaniti, è ch'ellu duvaria durà parechji ghjorni, vi demi oramai a riazzioni di François Tatti dopu à a lettara chì l'hè stata mandata da Gilles Simeoni è "i so novi amichi pulitichi". "Pighjeti dunqua a rispunsabilità di sciappà u cuntrattu di mandatura chì ci unisci par via di una falsa scusa. N'aghju presu cunniscenza", dici François Tatti, chì voli fà sorghja a verità. È di cità i sfarenti chjami pessimi lampati pà ciò chì tocca a gistioni di a CAB, di un studiu finanziariu, di riunioni à parechji è di suluzioni numarosi, chì sariani stati pruposti. Hè a risposta di Gilles Simeoni à tutti ssi dumandi chì ùn hè micca intarvinuta chì hà inghjinnatu a crisa, d'appressu à François Tatti. Postu chì suluzioni sariani stati trovi pà ciò chì tocca u sbilanciu di parechji millioni d'auri di a CAB, François Tatti spera ch'elli sarani prisintati in furia à i Bastiacci. Spera bè ch'ellu si parlarà di tuttu què marti chì veni, duranti a riunioni di u scagnu di a CAB. "Sò prontu à demissiunà, ma solu s'è vo a feti dinò voi", compii François Tatti ind'a lettara mandata à u merri di Bastia.
Sur le même sujet
