Domaines de l'architecture et de l'urbanisme : éléments fondamentaux du développement de la Corse
(A redazzioni d'Alta Frequenza) - Dumane in casa ! Eccu u nomi di un gran cuncorsu d'idei nant'à l'architettura lanciatu da a CAPA, ni vi parlaiami dighjà arimani (marti) cù Simon Renucci, u merri d'Aiacciu. Rammintemi chì issu cuncorsu t'hà pà scopu di sinsibulizà l'abitanti è l'eletti nant'à ciò chì hè l'abitatu oghji è nant'à a manera d'evuluzioni pussibuli di quissu quì, fendu di più ecunumii in energia è ind'u spaziu, ma dinò nant'à u costu di custruzzioni è d'usu. Rammintemi dinò chì ciò chì si custruisci oghji diventa di fattu u patrimoniu di dumani è a dumanda di primura hè dunqua di sapè cosa n'emi da lacà à i nostri fighjoli. Ci voli bè à ricunnoscia chì tutti ciò ch'è n'avemi custruitu in Corsica dipoi a fini di l'ultima guerra ùn hà nulla di cumunu, nè da vicinu nè da luntanu, cù u patrimoniu custruitu di a Corsica anziana. Senza vulè pighjà rifarenzi ind'u passatu, ùn ci saria micca in Corsica calcosa da invintà ind'u duminiu di l'architettura è di modu più largu inde quillu di l'urbanisimu ? Una dumanda à a quali si pruvarà à risponda cù issu cuncorsu quì. Ed hè una quistioni chì pighja tutta a so impurtanza à l'ora duva a Corsica appronta u so Padduc, un ducumentu chì tuccarà di modu forti u nostru ambienti naturali, urbanisticu è architetturali di dumani.
Écoutez Jean Biancucci, conseiller territorial de Femu a Corsica, maire de Cuttuli et donc très en pointe sur ces questions.
