Dominique Bucchini : non au roi de Corse
Dominique Bucchini : non au roi de Corse !
(A redazzioni d'Alta Frequenza) - Semi in una situazioni chì ùn teni micca è ùn si tratta micca pà noi di favurizà u ritornu di u rè di Corsica ! U presidenti di l'assemblea di Corsica faci una critica senza svianza di una situazioni pulitica chì li pari essa assai alluntanata da u quadru nurmali di a demucrazia. Dopu à u viaghju in Parighji di l'eletti di a Corsica, Dominique Bucchini pensa ch'ellu t'hà dinò ellu un'upinioni à fà cunnoscia. S'è davanti à Bernard Cazeneuve è Marylise Lebranchu, u presidenti Bucchini hà lacatu Pierre Chaubon sprima l'avisu maghjuritariu di l'Assemblea di Corsica, hà vulsutu dì dinò ciò ch'ella pensa a minurità di a listessa assemblea. D'appressu à ellu, s'entri oramai ind'a riforma pà a piccula porta, un amendamentu aduttatu di notti tempu, mentri chì in u 2002, un prughjettu di legi avia purtatu u prughjettu. Annant'à u cuntinutu stessu di a riforma, u presidenti stima chì tutti i chjavi di a Corsica ùn devini micca essa rimissi à solu calchì parsona.
U stemi à senta.
Sur le même sujet
