Doria Ousset se lance sur la scène musicale corse avec son premier album
(A redazzioni d'Alta Frequenza) - A musica corsa t'hà una certa facultà à fà spuntà talenti novi. Ed hè torna u casu cù una voci nova, chì hà cullaburatu cù artisti prestigiosi com'è Patrizia Gattaceca, hè Doria Ousset. Una donna ghjovana chì dopu avè pruvatu l'aventura di a cumedia cù a truppa di i Kongoni, si lancia ind'a canzona. Ùn si tratta micca di una voglia nata arimani o di pulivalenza, postu chì a canzona hè una passioni chì Doria Ousset t'hà in u so cori dipoi un pezzu. U so prima dischettu, 377, dispunibuli di gratisi annant'à u so situ internet, www.doria-ousset.com , cù stratti ch'è vo pudeti ascultà annant'à i nostri ondi, dimostra sunurità rock travaghjati, accumpagnati da testi trà rumantisimu è macagna.
Steti à senta à Doria Ousset.
