Dotations de l'Etat pour le rural : les inquiétudes des députés Pè a Corsica
(A redazzioni d'Alta Frequenza) - 259 millioni d'auri. Ssa somma, chì hè appena di più cà u trasferimentu di Neymar in u Parighji Saint Germain finanziatu da u Qatar, sò mezi chì sarani cacciati à i ruralità mentri ch'elli erani stati attribuiti calchì mesi fà, in u quadru di u pianu d'ecunumii vulsutu da u guvernu pà vultà u più prestu pussibuli à un debbitu publicu à 3% di u PIB. Una dicisioni chì inchieta i diputati Pè a Corsica, Jean Félix Acquaviva hà ancu postu una dumanda scritta à u guvernu. Pà contu soiu, a Prifittura di Corsica dici chì "ss'annulazioni ùn rimettini micca in causa i prughjetti purtati da i cullittività chì sò finalizati è pà quali u Statu s'hè ingaghjatu à cuntribuiscia à u so finanziamentu. Portani solu nant'à crediti chì ùn aviani micca fattu l'ughjettu d'una prugrammazioni".
Malgradu tuttu, ci sò veri dumandi nant'à l'avvena di certi azzioni com'ellu a ci spiega Michel Castellani, diputatu di a prima circuscrizzioni di Corsica Suprana.
