Drame de Furiani : la colère des victimes
(A redazzioni d'Alta Frequenza) - I vittimi è i famighji di vittimi di a catastrofa di Furiani, di u 5 di maghju di u 1992, chì hà inghjinnatu a morti di 18 parsoni è feriti pà millai di ghjenti, aspittavani da l'istanzi di u ballò francesi una misura simplici, quilla di ùn urganizà più scontri un 5 di maghju in Francia. In fini, issa misura, appiecata ghjustu ghjustu in u 2012, pà i vinti anni di a catastrofa, dopu à una mubilisazioni assai larga, sarà stata solu un'eccezzioni. In fatti, a Federazioni Francesi di Ballò hà dicisu di ùn aduttà micca a pruposta di i vittimi è di i so famighji, dicidendu à a fini di ùn ghjucà più finali di cuppa o scontri in tarra corsa un 5 di maghju, vali à dì chì un club corsu pudarà ghjucà in cuntinenti u 5 di maghju. Una misura chì hà fattu nascia a collara di u cullettivu di u 5 di maghju, à quali li si pari d'essa statu davanti à interlocutori senza rispettu alcunu, ch'ella sia à a FFF o à a LFP, riducendu issu drama à una catastrofa corsa è basta. Soprattuttu chì più nisun misura annessi com'è a criazioni di una borsa di studii hè stata ritinuta.
On écoute Lauda Guidicelli.
Sur le même sujet
