Drapeau corse interdit à Timizzolu : appel de Femu a Corsica pour une grande opération symbolique
(A redazzioni d'Alta Frequenza) - I riazzioni sò di più in più numarosi dopu à l'affari novu di a bandera corsa pruibita da a LFP annant'à u tarrenu di u stadiu François Coty di l'AC Aiacciu ssu vennari à sera. Asempiu ind'è i puliticanti, cù par asempiu Femu a Corsica chì parla "di un ambienti d'insemi contr'à i corsi, chì t'hà com'è scopu di privacci di diritti è libertà elementarii è fundamintali, fin'à quillu d'essa noi". "In ssu cuntestu, duvimu firmà calmi di sicuru, è ùn cascà micca ind'a trappula di a pruvucazioni", cuntinueghja u partitu naziunalistu. Fema a Corsica dici ch'ellu hè indispinsevuli d'urganizà una risposta cullittiva maiò, è "chjama dunqua à metta in ballu una grandi uparazioni simbolica "Bandera corsa" in Corsica sana, chì pudaria assucià l'eletti di tutti i sinsibulità, i clubs, tutti l'associ spurtivi è culturali di l'isula è di fora, è tutti i Corsi. Invitemi dunqua tutti i partinarii citati più sopra à participà à una riunioni in Corti luni à sera, à l'Università di Corsica, à sei ori è meu, pà difiniscia tutti insemi i mudalità di ss'uparazioni".
