Drapeau corse interdit à Timizzolu : Emmanuelle de Gentili saisit le ministre des Sports
(A redazzioni d'Alta Frequenza) - I riazzioni sò numarosi in Corsica dopu à l'annunziu di l'interdizzioni da a Liga di Ballò Prufiziunali di a bandera corsa annant'à u tarrenu à l'intrata di i ghjucadori di u scontru trà l'AC Aiacciu è Valenciennes ssu vennari à sera in Timizzolu (veda altrò). Omi è donni pulitichi corsi ani riagitu dinò com'è l'aghjunta à u merri di Bastia, cunsighjera esecutiva è secretaria di u Partitu Sucialistu in Corsica Suprana, Emmanuelle de Gentili. Quissa quì hà dittu, annant'à una reta suciali, ch'ella s'hè ghjirata parsunalmenti stasera ver di u cabinetu di u ministru di a Cità, di a Ghjuventù è di i Sports Patrick Kanner è di u Secretariu di Statu à i Sports Thierry Braillard, è què "pà falla finita cù i pruvucazioni di a LFP".
