DSP maritime transmissible : Paul Giacobbi persiste et signe
(A redazzioni d'Alta Frequenza) - A SNCM hè torna nant'à a scena mediatica, è crea una volta di più sfarenzi forti trà i membri di a raprisintazioni pulitica isulana. Dopu à l'annunziu arimani (marcuri) da u Secretariu di Statu à i Trasporti di a pussibilità di trasmetta a dilegazioni di serviziu publicu à un uparatori novu, è què senza ch'ellu inghjinessi a trasmissioni di u debbitu, i riazzioni sò putenti è propiu upposti. Michel Stefani, u presidenti di u gruppu Communistes et Citoyens du Front de Gauche à l'Assemblea di Corsica, hà criticatu cù forza ss'annunziu quì. Par ellu, trasmetta a DSP "in parechji parti" saria guasgi listessa cà di "venda a SNCM tagliata à fetti". Paul Giacobbi hè assai uppostu pà contu soiu à ssa visioni di i cosi. Par ellu, a pussibilità di trasmetta ssa dilegazioni senza avè bisognu di sustena u pesu straurdinariu di u debbitu hè un'avanzata assai significativa. Ùn c'hè nisun altra suluzioni d'appressu à ellu.
U stemi à senta.
Sur le même sujet
