E. De Gentile réagit au communiqué PRG PC PS Bastia Nord
(A redazzioni d'Alta Frequenza) - A pulemica cuntinueghja dopu à u cumunicatu di fin di sittimana di François Tatti è Emmanuelle de Gentili. In fatti, dopu à l'ultima risposta di u PRG, di u Partitu Cumunistu è di u PS Bastia-Nordu, Emmanuelle de Gentili, a cumpagna di lista di François Tatti, hà riagitu. Ed hè un veru missili contr'à Jean Geronimi è Georges de Zerbi, i dui membtri di u PS di Corsica Suprana prisenti annant'à a lista di Jean Zuccarelli è cumunichendu à nomu di u PS Bastia-Nordu, ch'ella manda Emmanuelle de Gentili, a presidenti di u PS di Corsica Suprana. In fatti, quissa quì rammenta chì "nimu pò pratenda d'avè l'investitura di u partitu sucialistu duranti l'alizzioni municipali in Bastia", è chì "qualsiasi minzioni ind'una cumunicazioni hè dunqua un abusu è una bucia". Emmanuelle de Gentili cuntinueghja dicendu chì "i dui parsoni, candidati nant'à a lista radicali è cumunista è rivindichendu a so appartinenza à u PS, si sprimani dunqua di manera sclusiva ind'u so nomu propiu. Infini, a candidata dici ch'ella farà casu daveru "à u rispettu di ssa regula, chì par ettica, unestità intellettuali è rispittosa di i dicisioni di [u so] partitu, [s']appieca à [ella] stessa duranti sta campagna."
Sur le même sujet
