Éboulement sur la voie ferrée à Caporalino
(A redazzioni d'Alta Frequenza) - Una falata di petri hè stata custatata arimani dopu meziornu (marti) annant'à u caminu di farru in Capuralinu in Corsica Suprana, in u rughjoni d'Omessa. Parsoni chì passavani pà ssi lochi ani chjamatu i gendarmi. Da tandu, i servizi di i camini di farru di a Corsica ani fattu piantà a circulazioni trà i gari di u Ponte à a Leccia è di Corti. Ci sò stati disguasti annant'à u caminu di farru. Un serviziu di bus hè statu missu in ballu pà u trasportu di i passaghjeri trà Corti è u Ponte à a Leccia. Una spizzioni di u tippali hè stata rializata da un spertu pà schisà un risicu novu. U trafficu hà ripresu di manera nurmali stamani.
Sur le même sujet
