Ecole de Morosaglia : le soutien de l'Exécutif de Corse aux parents d'élèves
(A redazzioni d'Alta Frequenza) - Parsoni assai numarosi si sò accolti ssu luni da mani pà dumandà u mantenimentu di a scola di Merusaglia. I manifistanti ani distribuitu nant'à a strada, à u nivellu di u ghjiratoghju di u Ponte à a Leccia, fuglietti è prupostu di signà una petizioni. Ssa scola unica, cù setti elevi di sfarenti età par avà, hè minacciata in fatti da i servizi accademichi di Corsica Suprana, chì pensani à sarrà ssu stabilimentu fundatu in u 1833, in u paesi chì hà vistu nascia à Pasquale Paoli. L'Esecutivu di Corsica era prisenti à fiancu à i parenti. Difesa di a scola in u mezu rurali, ma dinò è soprattuttu difesa è salvezza di a lingua è di a cultura corsa sò in cori di i primuri di l'eletti chì ani mandatu una lettara à l'autorità accademichi è à u Statu.
Steti à senta à Saveriu Luciani, cunsighjeru esecutivu in carica di a lingua corsa.
