Ecosse, Catalogne : quelle influence sur la situation de la Corse ?
Ecosse, Catalogne : quelle influence sur la situation de la Corse?
(A redazzioni d'Alta Frequenza) - A tinsioni hè putenti in Catalogna dopu à l'annunziu, da u Parlamentu catalanu, di l'urganisazioni di un referendum annant'à l'indipendenza u 9 di nuvembri, è a dicisioni di Madrid di suspenda a legi chì permetti d'urganizà ssu referendum. Arimani (marti), in risposta à u blucchimi di Madrid, a presidenti di u Parlamentu di Catalogna hà annunziatu ch'ella dumandaria à u Tribunali custituziunali di sguassà subbitu ssa dicisioni, à u mutivu "ch'ella impidiscia u rughjoni d'urganizà altri cunsultazioni". Ramintemi chì sabbatu scorsu, Artur Mas, u presidenti di a Catalogna, avia firmatu un dicretu pà cunvucà a cunsultazioni. Com'è risposta, u Cunsighju custituziunali hà accittatu un appellu di u guvernu spagnolu ciò chì inghjenna a suspensioni di u prucedimentu di referendum. S'è i tinsioni ùn si svanisciarani micca dumani in Catalogna, hè u casu in Scozzia induva tuttu u mondu hà pussutu accità i risultati di u referendum chì hè passatu. Mentri ch'elli sò numarosi à mandà à caternu a riunioni di u Cungressu, di l'Assemblea naziunali eppo di u Senatu, annant'à una riforma custituziunali pussibuli pà a Corsica, chì hè l'influenza di ss'evenimenti annant'à a situazioni di a Corsica?
Steti à senta à Paul Giacobbi, u presidenti di l'Esecutivu di Corsica chì hà suvitatu dinò ellu da vicinu u referendum in Scozzia.
