Elaboration du nouveau Padduc : le sentiment d'Edmond Simeoni
(A redazzioni d'Alta Frequenza) - L'imprubabili accunsentu ! Hè ciò chì sarà ricircatu duranti l'elaburazioni di u novu Padduc, rimpiazzendu u primu ducumentu chì hà cunnisciutu a sorti chì omu sà. N'emi vistu una cria torna una volta à l'uccasioni di l'assisi di u litturali, quilli chì battini à prò di a libartà di custruiscia è chì sò ghjunti cù argumenti altri cà i bombi o i minacci, sò quant'è numarosi cà quilli chì volini pruteghja u litturali à tutti i patti. À l'accorta, si pò dì chì i pruprietarii di tarreni, è sò parechji in Corsica, vulariani bè tirà ni u più bonu prufittu pussibuli è quilli chì ùn sò micca in issu casu quì bramani cù forza di cunsirvà u più spaziu pussibuli di a custruzzioni. Com'ella si pò veda, i dui uzzioni, ancu puru s'elli sò tramindui pussibuli, sò difficiuli à lià, ciò chì ubligeghja l'istanzi pulitichi dirighjenti à risolva tuttu què. Edmond Simeoni hà vulsutu incalcà nant'à l'impurtanza strema di issu cartulari quì.
Écoutez-le
Sur le même sujet
